嘩!又香印又晴王,一抽提子買到成千蚊,到底因乜解究要咁貴?

Posted by Anthony 2018/08/14 0 Comment(s)

嘩!又香印又晴王,一抽提子買到成千蚊,到底因乜解究要咁貴?

近日,喺某高檔超市出現標價上千的提子——「岡山晴王」,真係每食一粒都肉痛啊!但因乜解究一抽提子可以咁矜貴?

我話你知乜野係「岡山晴王」同「香印」喇!

其實所謂「晴王」係香印提子嘅一種,不過只有喺日本岡山縣出產嘅香印先有資格叫「晴王」,事關岡山縣有比較好嘅種植土壞同天氣,所以喺當地種出嚟嘅提子質素特別好,係香印提子中嘅王者!而且要每串提子都超過700克、每粒均重約12克,甜度更需要達到18度,先可以稱為「晴王」。

 

點解會咁矜貴?

點解香印晴王可以咁貴,全因佢地用咗一種叫「一枝一策」嘅種植方法,喺每個枝節只會保留番最靚嘅提子,咁提子就可以吸引到最多嘅養份,令到提子變得更水潤,更加甜,更大粒。

就因為咁講究,呢類提子嘅數量非常有限,以每年平均嚟講都係500-600噸左右,十分矜貴!

 

咁矜貴,你實要識揀!

「晴王」會再細分為藍秀、紅秀、特秀同禮盒裝4大等級,由禮盒裝為最高級,藍秀為最低,但其實藍秀已經係好好,在其之下仲有優等這個級別。

而優質香印提子外形圓身飽滿,提子串嘅形狀應為倒三角形。果肉挺身,緊密度高,果粒顏色就似翡翠綠。如果見到任何皺紋或瘀傷就唔好揀喇。最後可以從枝幹睇,係綠色就代表最新鮮喇!