「塔斯曼尼亞車厘子」四大天王！

Posted by Anthony 2018/01/20 0 Comment(s) 品牌故事,

 

塔斯曼尼亞車厘子嘅四大天王！

 

講起車厘子，就不可不提「塔斯曼尼亞」！近年坊間熱銷各種塔斯曼尼亞車厘子，名字更係五花八門，又紅寶石、又43°，到底呢啲係乜東東嚟？就等我——哈蜜瓜之助同你揭秘啦！

其實「43°」、「紅寶石」等等，都係塔斯曼尼亞嘅車厘子牌子，唔同牌子所出產嘅車厘子，口味亦有所不同。而佢地就好似兄弟姊妹咁，唔認識清楚就真係會分唔出佢地，揀唔啱你最中意嘅口味！

 

來港嘅塔斯曼尼亞車厘子主要有以下「四大天王」，他們各有特色：

 

 

43°車厘子 – 甜者之最

 

43°車厘子就好似大哥咁，特點就是「大」，亦係香港最流行嘅塔斯曼尼亞車厘子。其特點「大」之餘，口感爽口濃郁，而且愈大愈甜！食落完全係「甜度」上嘅滿足，包你食完一粒就停唔到口，簡直係甜食愛好者嘅最愛！

 

紅寶石車厘子 – 層次質感

相對甜度豪邁的43°大哥，紅寶石就似溫文爾雅嘅二家姐啦。紅寶石硬實脆嫩、殷紅嬌豔、肉厚核小、甜蜜水潤，追求於多層次而平均嘅口感體驗。紅寶石令你除咗可以感受甜美嘅味道之外，更可以享受層次豐富嘅口感體驗！

 

金袋鼠車厘子– 野性多汁

金袋鼠車厘子來自最古老嘅塔斯曼尼亞車厘子農場——REID農場，以傳統方式種植，產出最自然嘅車厘子。佢地嘅車厘子通常皮比較厚，能夠鎖緊肉汁，係四天王之中最水潤嘅一個，如果你特別喜歡水潤嘅口感，金袋鼠車厘子會係你最佳嘅選擇！

 

金雀車厘子 – 經濟之選

如果你心思思想試吓塔斯曼尼亞車厘子，但又唔想一開始就打大佬？比紅寶石平嘅金雀車厘子係你嘅入門之選！其農埸位於塔斯曼尼亞中部城市Ross，雨量穩定而供應充足，就唔洗驚收成受影響喇！

 

以上講咗今期塔斯曼尼亞車厘子之中最流行四天王，係咪心郁郁想揀番隻嚟試試呢～心動不如行動，留意以下聯絡可以即時訂購！

 

 

聯絡資料：

Whatsapp：8222-8888
電話：8222-8888

標籤： 車厘子